दृष्टिकोण समाचार माघ १८ दार्चुला । वर्षौदेखि ढिके नुनको प्रयोग गर्दै आएका लेकम गाउँपालिका–५ का धैलसिह खत्रीले अहिले आयोडिन नुनको प्रयोग मात्रै गरिरहनुभएको छ । विगतमा चेतनाको अभावका कारण ढिके नुन राम्रो भएको भन्दै आयोडिन छोडेर ढिके नुनको प्रयोग गर्ने गरेकोमा पछिल्लो समय गाईभैसी लगायत घरपालुवा जनावरहरुलाइ समेत आयोडिन नुन खुवाउन थालेको उहाँले बताउनुभयो । केहि वर्ष पहिलेसम्म दार्चुलाको सहरदेखी ग्रामिण क्षेत्रमा भारतीय बजारबाट आयात गरिने ढिके नुनको अत्यधिक प्रयोग हुने गरेकोमा पछिल्लो समय आयोडिन नुनको प्रयोग तथा बिक्रि वितरण बढ्न थालेको छ । जनचेतना बृद्धिसंगै मानिसहरुले बानी परिवर्तन गर्न थालेपछि आयोडिन नुनको प्रयोगदर बढ्दै गएको हो । दार्चुलाको खलंगा, गोकुलेश्वर, अपिहिमाल र मालिकार्जुनमा साल्ट ट्रेडिङ कर्पोरेसन लिमिटेडको बिक्रि डिपो स्थापना भएसंगै जिल्लामा आयोडिन नुनको बिक्रि बितरण र प्रयोग दर बढ्दै गएको छ । आयोडिन नुनको बिक्रि डिपोबाट प्रति किलोग्राम नौँ रुपियाका दरले दुई बालबालिका चिन्ह अंकित आयोडिन नुन पाइने गरेको छ । महाकाली नगरपालिका–४ खलंगामा रहेको बिक्रि डिपोबाट चालु आर्थिक वर्षको हालसम्म एक हजार नौँ सय सात क्वीन्टल ८९ किलोग्राम आयोडिन नुन बिक्री भएको डिपो प्रमुख प्रेमसिह कुवरले बताउनुभयो । गत वर्षको तीन सय २९ क्वीन्टल ८८ किलोग्राम नुन मौज्दात रहेको थियो । चालु आर्थिक वर्षको हालसम्म दुई हजार चार सय ६० क्वीन्टल नुन जिल्लालाई प्राप्त भएको छ । गत वर्षको मैजाद र चालु आर्थिक वर्षमा प्राप्त सबैमध्ये अहिले आठ सय ८१ क्वीन्टल ९९ किलोग्राम आयोडिन नुन मौजाद रहेको खलंगा डिपोका प्रमुख कुवँरले बताउनुभयो । चालु आर्थिक वर्षमा सम्झौता भएअनुसार अब पाँच सय ४० क्वीन्टल नुन ढुवानी हुन बाकी रहेको छ । विगत वर्षहरुको तुलनामा दुई बालबालिका चिन्ह भएको आयोडिन नुनको प्रयोग तथा बिक्रि बितरणमा सुधार हुदै गएको खलंगा डिपो प्रमुख कुवँरले जानकारी दिनुभयो । खलंगाबाट महाकाली नगरपालिका संगै दुहुँ र व्यासका साथै मालिकार्जुन गाउँपालिकासम्म समेत नुन खपत हुने गरेको छ । यस्तै गोकुलेश्वर डिपोमा समेत नुनको बिक्रिदर बढ्दै गएको छ । गोकुलेश्वरबाट शैल्यशिखर नगरपालिकाका साथै लेकम, मार्मा, नौगाड, मालिकार्जुन गाउँपालिकासम्म नुन विक्री हुँदै आएको छ । अपिहिमालको डिपोबाट समेत ग्रामिणस्तरमा ओयोडिन नुनको बिक्रिवितरण भइरहेको छ । खलंगा डिपोबाट मात्रै चालु आर्थिक वर्षको साउन महिनामा दुई सय ३८ क्वीन्टल ६० किलोग्राम, भदौ महिनामा दुई सय ३८ क्वीन्टल ३४ किलोग्राम, असोज महिनामा तीन सय १५ क्वीन्टल पाँच किलोग्राम आयोडिन नुन बिक्रि भएको छ । यस्तै कार्तिक महिनामा तीन सय २६ क्वीन्टल ६० किलोग्राम, मंसिर महिनामा चार सय चार क्वीन्टल १५ किलोग्राम र पुष महिनामा तीन सय ८५ क्वीन्टल १५ किलोग्राम विक्री भएको छ ।
दार्चुला जिल्ला पुर्ण खोप समन्वय समितिको आयोजनामा बिहीवार खलगामा आयाेजित एक कार्यक्रमका बीच जिल्लालाई पुर्ण खाेप सुनिश्चित घाेषणा गरिएकाे हाे । पहिलाे पटक २०७३ मा दार्च...
खानपान र जीवनशैली अव्यवस्थित हुँदा स्वास्थ्यमा विभिन्न समस्या निम्तिन्छ । यसले दीर्घरोदेखि अकस्मात् मृत्युसम्मको जोखिम हुनसक्छ । स्वास्थ्य विज्ञहरुका अनुसार हामीले जे खाए...
शरीरभित्र हुने रासायनिक गतिविधिहरूकै कारण मानिस जीवित र स्वस्थ रहन्छ । यी रासायनिक गतिविधिलाई गति दिने काम मानव शरीरको प्रत्येक कोषिकामा रहेको हजारौं इन्जाइमको हो । उदाहर...
गर्मीयाममा छालासम्बगर्मीमा घमौराबाट कसरी बच्ने न्धी विभिन्न रोगले सताउँछ । त्यसमध्ये एक हो घमौरा आउनु । विशेषगरी तराई क्षेत्रमा त यो आम स्वास्थ्य समस्या नै बन्छ । घमौरा प...
दार्चुला जिल्लाका तीन वटा स्थानीय तहमा बैशाख १६ गते देखि २५ गते सम्म निःशुल्क आँखा शिविर सञ्चालन हुने भएको छ । दार्चुला जिल्लाका महाकाली नगरपालिकामा वैशाख १६ देखि १८ गतेस...
सुत्केरी व्यथा लागेर विहान अस्पताल आउने क्रममा महाकाली नगरपालिका ४ खलंगा बसपार्कमा कल्पना लोहारले बाटोमै बच्चा जन्माईन् । दार्चुलाको व्याँस गाउँपालिका वडा नम्बर ६ हुती घर...
दृष्टिकोण दैनिक सम्बाददाता