सेनाकाे हेलिकप्टर मार्फत सुत्केरीको उद्धार

३ बर्ष अघि

२0७७ माघ १0 शनिबार

सेनाकाे हेलिकप्टर मार्फत सुत्केरीको उद्धार

दृष्टिकोण समाचार माघ १० दार्चुला । दार्चुलामा एक सुत्केरी महिलाको  नेपाली सेनाको हेलिकोप्टरद्धारा उद्धार गरिएको छ । जिल्लाको  ब्यास गाउँपालिका वडा नम्बर ५ का एक सुत्केरी महिलाको उद्धार गरिएको छ । जिल्ला अस्पताल दार्चुलामा सुत्केरी भएका २८ वर्षीया सोभा बाेहराको हवाई उद्धार गरिएको हो । उनको  जिल्ला अस्पतालमा अप्रेसन पछि बच्चा जन्मिए पनि रक्तस्राव नरोकिए पछि उहालाई थप उपचारको लागि धनगढी रिफर गरिएको र धनगढीमा आइसियु खाली नरहेकाले सुर्खेत लगिएकोे जिल्ला अस्पताल दार्चुलाका सुचना अधिकारी डम्बर दत्त भट्टले जानकारी दिनु भयो । दार्चुलाका प्रमुख जिल्ला अधिकारी शरद कुमार पोखरेल,दुर्गा दल  गुल्म दार्चुला र अस्पतालको विशेष पहलमा महिलाको उद्धार गरिएको सेनानी बिक्रम देव थापाले बताए  । सरकारको राष्ट्रपति महिला उत्थान कार्यक्रम अन्तर्गत महिलाको उद्धार गरिएको हो ।