दृष्टिकोण समाचार माघ ८ दार्चुला । दार्चुलाको मालिकार्जुन गाउँपालिकामा लगाएको ताला दुई हप्ता पछि बिहीबार खुलेको छ। विहिबार आज जिल्ला समन्वय समितिका संयोजक, जिल्लाका राजनीतिक दलका प्रतिनिधिहरू र प्रशासनको रोहवरमा खुलेको मालिकार्जुन गाउँपालिकाले जनाएको छ। विगत केही दिनदेखि निरन्तर वार्ता गर्दा पनि सहमति निकाल्न नसकिदाँ जिल्ला समन्वय समिति प्रमुख करबीर बहादुर कार्की, गाउँपालिका अध्यक्ष नरेन्द्र सिंह धामी लगायतको टोलीले ताला तोडेका हुन् । गाउँकार्यपालिकाले गाउँसभाको निर्णय विपरित प्रशासकीय भवन सार्ने निर्णयको बिरोध गर्दै स्थानीयहरुले पुष २४ गते गाउँपालिकाको कार्यालयमा तालाबन्दी गरेका थिए । गाउँकार्यपालिका निर्णयले गाउँपालिकाको प्रशासकीय भवन वडा नम्बर ८ कै थक्तोलीमा सार्ने निर्णय गरेदेखि केही स्थानीयहरुले तालाबन्दी गरेका थिए । जिल्लाबाट गएको जिल्ला समन्वय समिति प्रमुख करबीर बहादुर कार्कीको सर्वदलीयको टोलीले असन्तुष्ट पक्षसंग झण्डै ४ घण्टा वार्ताबाट पनि निष्कर्ष निकाल्न नसकेपछि सर्वदलीयको टोलीले स्थानीयले गाउँपालिकामा लगाएको ताला झण्डै आधा महिनामा ताला तोडेका हुन् । जिल्ला समन्वय समिति प्रमुख कार्की, गाउँपालिका अध्यक्ष नरेन्द्र धामी, वडा नम्बर ८ का वडाध्यक्ष पदमराज पन्त लगायतको सहभागिता रहेको थियो । उता स्थानीयहरुले भने सहमति बिना जनताले लगाएको ताला तोडेकोे बताएका छन् । स्थानीय उमेश धामीले आफूहरुले लगाएको ताला प्रशासनले तोडेको गुनासो गर्नु भयो । ‘जनताले लगाएको ताला प्रशासनले तोडेको छ, हाम्रो आन्दोलन जारी छ, कानुनी प्रक्रियाबाट न्याय खोज्छौँ’ स्थानीय धामीले भन्नु भयो ।
संघर्ष समिति सदस्य एवं वार्ता टोलीका सदस्य समेत रहेका बल्देव धामीले पनि कुनै सहमति बिना ताला तोडिएको बताउनु भयो । आफूहरुले गाउँकार्यपालिकाको निर्णय कार्यान्वयन नगर्न लिखित सहमति मात्रै मागेको तर गाउँपालिकाबाट त्यो सहमति नदिएको उहाँको भनाई छ । 
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता