दृष्टिकोण समाचार माघ ६ दार्चुला । दार्चुला जिल्लाका तीन ओटा स्थानीय तहमा एक विद्यालय एक नर्स कार्यक्रम सञ्चालन हुने भएको छ । सुदूरपश्चिम प्रदेश सरकारले दार्चुलाका , नौगाड गाउँपालिका, दुहुँ गाउँपालिका र मार्मा गाउँपालिकामा एक विद्यालय एक नर्स कार्यक्रम सञ्चालन गर्ने भएको हो । यी तीन वटा स्थानीय तहका एक एक विद्यालयमा पहिलो चरणमा कार्यक्रम लागू हुने स्वास्थ्य कार्यालय दार्चुलाका जनस्वास्थ्य अधिकृत जयराज भट्टले जानकारी दिनुभयो । एक विद्यालय एक नर्स कार्यक्रमको लागि आवश्यक जनशक्ति व्यवस्थापनको काम भइरहेको छ । एक दुई दिनभित्र स्टाफ नर्सका लागि आवेदन खुला गर्ने तयारी भएको जनस्वास्थ्य अधिकृत भट्टले जानकारी दिनुभयो । स्वास्थ्य कार्यालय दार्चुलाका अनुसार कार्यक्रम सञ्चालन हुने सम्बन्धित पालिकाले एक एक विद्यालय छनौट गर्नेछ । विद्यालयमा चाहिने जनशक्ति स्वास्थ्य कार्यालयबाट खटाइने छ । एक विद्यालय एक नर्स कार्यक्रमअन्तर्गत विद्यालयमा विद्यार्थीहरुलाई स्वस्थ जीवनशैलीका विभिन्न बिषयमा जानकारी दिनेछन् ।उहाँले भन्नुभयो छनौट भएका विद्यालयमा एक÷एक जना स्टाफ नर्स खटाइने छ । कार्यक्रम सञ्चालन भएका पालिकाका विद्यालयहरुमा स्टाफ नर्सले स्वास्थ्य शिक्षा सम्बन्धि सचेतनामूलक कक्षा सञ्चालन गर्नुका साथै विद्यार्थीहरुको नियमित स्वास्थ्य परीक्षण समेत गर्नेछन् । चालू आर्थिक बर्षबाट शुरु हुन लागेको यो कार्यक्रमलाई निरन्तरता दिइनेछ जनाएको छ । विद्यालयमा सञ्चालन हुने कक्षामा सरसफाई, कोभीड १९ बाट बच्ने तरीका महिनावारी सरसफाई लगायत स्वास्थ्य सम्बन्धि विभिन्न बिषयमा छलफल हुने स्वास्थ्य कार्यालय दार्चुलाले जनाएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता