दृष्टिकोण समाचार पाैष २५ दार्चुला । प्रमुख प्रतिपक्षी नेपाली काँग्रेसले प्रतिनिधिसभा विघटनविरुद्ध शनिबार दार्चुला सहित देशव्यापी विरोध प्रदर्शन कार्यक्रम गरेको छ । दार्चुलाका प्रदेश सभा निर्वाचन क्षेत्र क र ख मा नेपाली काग्रेशले विरोध प्रदर्शन गरेको छ । सरकारले गरेको असंबैधानिक र अलोकतान्त्रीक कदमका विरुद्ध काग्रेश दार्चुलाले प्रदर्शनका साथै कोणसभाको आयोजना गरेको नेपाली काग्रेश दार्चुलाका सचिव हरक बिष्टले बताउनुभयो । प्रदेशसभा निर्वाचन क्षेत्र नम्बर क स्थित खलंगामा नेपाली काग्रेश दार्चुलाका सभापती ललितसिंह बोहरासहित नेता, कार्यकर्ताहरुको उपस्थितिमा विरोध सभा र कोणसभाको आयोजना गरिएको उहाँले बताउनुभयो । यस्तै प्रदेशसभा क्षेत्र नम्बर ख मा शैल्यशिखर नगर समितिका सभापती रामदत्त जोशीको नेतृत्वमा गोकुलेश्वरमा विरोध प्रदर्शन कार्यक्रमको आयोजना गरिएको नेबिसंघ दार्चुलाका सदस्य तथा बिपि अद्ययन प्रतिष्ठान दार्चुलाका महासचिब कृष्ण रावलले जानकारी दिनुभयो । विरोध कार्यक्रममा काँग्रेसले प्रतिनिधिसभा विघटनको मुद्दासँगै सरकारका बेथिति, भ्रष्टाचार र जनजीविकाका मुद्दालाई पनि जोडेको छ । सोही मुद्दालाई लिएर आज काँग्रेसले ३ सय ३० वटै प्रदेशसभा निर्वाचन क्षेत्र केन्द्रित विरोध कार्यक्रम गरेको जनाएको छ । ३ सय ३० प्रदेशसभा निर्वाचन क्षेत्रपछि माघ ३ गते पालिका र माघ ८ मा वडा तह केन्द्रित विरोध प्रदर्शन गर्ने कार्यक्रम काँग्रेसको छ । यसअघि पुस १३ गते काँग्रेसले यीनै विषयमा १ सय ६५ प्रतिनिधिसभा निर्वाचन क्षेत्र केन्द्रित प्रदर्शन गरेको थियो । तर काँग्रेसको विरोध कार्यक्रमको उद्देश्य संसद पुनस्र्थापना भने बन्न सकेको देखिँदैन । सभापति शेरबहादुर देउवालाई प्रतिनिधिसभा पुनःस्थापना हुनेमा विश्वास कम छ । देउवाले निर्वाचनतिर नै बढी जोड दिइरहेको पाइन्छ । तर वरिष्ठ नेता रामचन्द्र पौडेल र नेता कृष्णप्रसाद सिटौलाले भने निर्वाचन र पुनःस्थापना दुवै नहुने खतारा औल्याइरहेको अवस्था छ ।
नेपाल कम्युनिष्ट पार्टी (एकीकृत समाजवादी) ले यही असारभित्र केन्द्रीय कमिटीलाई पूर्णता दिने भएको छ । भूगोल, क्षेत्र तथा सन्तुलन मिलाएर नेताहरूको योगदान र क्षमताका मूल्याङ्...
नेपाली कांग्रेसका सांसद दिलेन्द्रप्रसाद बडूले लोकल मदिरा ब्रान्डिङ गर्ने बजेटको योजना राम्रो भएको बताएका छन् । नेपालको लोकल मदिरालाई विदेश निर्यात गर्ने गरी सरकार अघि बढ्...
प्रधानमन्त्री पुष्पकमल दाहाल ुप्रचण्डु भारतीय समकक्षी नरेन्द्र मोदीको शपथग्रहण समारोहमा सहभागी हुन आज भारत जाँदै हुनुहुन्छ । पाँच सदस्यीय प्रतिनिधिमण्डलको नेतृत्व गर्दै उ...
नेपाल कम्युनिष्ट पार्टी एमालेका अध्यक्ष केपी शर्मा ओलीले राजनीतिक अस्थिरताका कारण विकास निर्माण हुन नसकेको बताएका छन् । एमालेको भौतिक पूर्वाधार तथा यातायात केन्द्रिय विभ...
सुदूरपश्चिम प्रदेशका मुख्यमन्त्री दीर्घबहादुर सोडारीले शुक्रबार विश्वासको मत लिने भएका छन् । मंगलबार बिहान मुख्यमन्त्री तथा मन्त्रिपरिषद्को कार्यालयमा बसेको सत्तारुढ गठबन...
सुदूरपश्चिम प्रदेशका मुख्यमन्त्री दीर्घबहादुर सोडारीले सत्तारुढ गठबन्धनको बैठक बोलाएका छन् । बैठक बिहान ९ बजे मुख्यमन्त्री तथा मन्त्रिपरिषद्को कार्यालयमा बसेको हो । ६ वै...
दृष्टिकोण दैनिक सम्बाददाता