दृष्टीकाेण समाचार,साउन २० बैतडी – छोरी जन्माउने दुईसयभन्दा धेरैजनालाई बैतडीको दोगडाकेदार गाउँपालिकाकाले प्रोत्साहन भत्ता दिएको छ । गाउँपालिकाभित्र एक वर्षको अवधिमा छोरी जन्माएका २ सय १२ आमालाई प्रोत्साहन स्वरुप १/१ हजारका दरले गाउँपालिकाले भत्ता दिएको गाउँपालिकाका स्वास्थ्य संयोजक नरेन्द्र नाथले जानकारी दिनुभयो । ‘हाम्रो समाजमा छोरीलाई अलि विभेद नै गर्ने गरेको पाइन्छ । छोरी पनि छोरा समान हुन् भन्ने सन्देश दिन र समाजमा छोरा–छोरी बीचको समानता कायम गर्नका लागि छोरी जन्माउने आमालाई प्रोत्साहन भत्ता दिन थालिएको हो’, दोगडाकेदार गाउँपालिकाका उपाध्यक्ष पार्वती कार्कीले भन्नुभयो । छोरीहरुले पनि छोरासरह नै काम गर्न सक्छन भन्ने बुझाउन र समाजले उनीहरुलाई समान दृष्ट्रिकोणले हेर्ने चेतनाको विकासका लागि प्रोत्साहन भत्तको व्यवसथ गरिएको उपाध्यक्ष कार्कीले बताउनुभयो । नेपाल सरकारले संस्थागत सुत्केरी भए वाफत दिने एक हजार र चार पटक गर्भ जाँच गराए वाफत पाउने ४ सय दिँदै आएकोमा गाँउपालिकाले स्वास्थ्य संस्थामा छोरी जन्माउने आमालाइ थप १ हजार प्रोत्साहन भत्ता दिएको हो । गएको वर्षदेखि नै गाँउपालिकाले यस्तो भत्ता वितरण गर्दै आइरहेको स्थानीय बिनोद बिष्टले बताउनुभयो । ‘यो एकदमै राम्रो कार्य हो, यसले समाजमा महिला माथि हुने विभेद अन्त्य गर्न सहयोग गर्दछ’, विष्टले भन्नुभयो । गाउँपालिकाले छोरी जन्माउदा दिने प्रोत्साहन भत्ताले केही राहत महशुस भएको दोगडाकेदार गाउँपालिका वडा नम्बर–३, श्रीकोटकी कुन्ती भूलले बताउनुभयो । श्रीकोट स्वास्थ्य चौकीमा छोरी जन्मिदा थप एक हजार पाउदा गाउँपालिकाले गरेको यो कार्य एकदम राम्रो लागेको उहाँले बताउनुभयो । छोरा जन्मदा मात्रै खुशी हुने हाम्रो समाजको लागि गाउँपालिकाले दिएको प्रोत्साहन भत्ताले छोराछोरी बीच हुने भेदभावमा कमी आउने श्रीकोट स्वास्थ्य चौकीका निमित्त स्वास्थ्य चौकी इन्चार्ज तथा अहेब प्रेमबहादुर चन्दले बताउनुभयो । गाउँपालिकाले गरेको यो कार्यले स्वास्थ्य संस्थामा बच्चा जन्माउने आमाको संङ्ख्यामा वृद्धि आएको र बच्चा जन्माउदा आमा र बच्चाको लागि खतरा पनि कम हुने उहाँले बताउनुभयो । गर्भाअवस्थामै छोरी भए गर्भ फाल्ने तथा भू्रण हत्यामा कमी ल्याउनका लागि गएको भदौबाट प्रोत्साहन दिने निर्णण गरेको दोगडाकेदार गाउँपालिका अध्यक्ष चक्र कार्कीले बताउनुभयो । छोरी जन्मिँदा आमालाई प्रोत्साहन भत्ता दिने दोगडाकेदार गाउँपालिका बैतडीकै पहिलो गाउँपालिका हो ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता