पृथ्वीराज सुनाम पुष १६ दार्चुला । शिक्षक रिहाइको माग गर्दै महेन्द्र माविका विद्यार्थीहरुले आन्दोलन गरेका छन् । दार्चुलामा शिक्षकको कुटाइपछि विद्यार्थी घाइते भएका हुन्। गत बुधबार महाकाली नगरपालिका–४ मा रहेको महेन्द्र नमूना माविका एक शिक्षकको कुटाईबाट नौगाड गाउँपालिका–६ का कक्षा ८ मा अध्ययनरत विद्यार्थीको कानमा चोट लागेको थियो। सोही विषयमा विद्यार्थीका अभिभावकले दिएको जाहेरीका आधारमा निज शिक्षकलाई मंगलबार पक्राउ गरिएको जिल्ला प्रहरी कार्यालय दार्चुलाका प्रहरी नायव उपरीक्षक पदमबहादुर विष्टले बताउनुभयो । अभिभावकको जाहेरीपछि निज शिक्षकलाई पक्राउ गरि नियन्त्रणमा राखिएको छ । स्वास्थ्य रिपोर्ट अनुसार विद्यार्थीको कानको जाली फुटेको छ। सोही अनुसार कानुनी प्रक्रिया अगाडी बढेको प्रहरीले जनाएको छ । प्रहरीका अनुसार अनुसन्धानको क्रममा रहेकोले शिक्षक र विद्यार्थी दुवैको नाम गोप्य राखिएको छ । पक्राउ परेका शिक्षकको रिहाईको माग गर्दै सोही विद्यालयका अन्य विद्यार्थीहरुले बिहिबार जिल्ला प्रहरी कार्यालय अगाडी प्रदर्शन गरेका छन्। उनीहरुले शिक्षकलाई तत्काल रिहा गनुपर्ने भन्दै प्रहरी कार्यालय घेराउ गरेका छन्। केहि शिक्षकहरुले समेत शिक्षकलाई अपराधी जस्तो पक्राउ गर्नु गलत भन्दै चरित्रको ख्याल गरी अनुसन्धान गर्न अनुरोध गरेका छन् । जिल्ला प्रहरी कार्यालय दार्चुलाले भने अभिभावकको जाहेरीमा अंगभंग गर्न नहुने कसुर अन्तरगत मुद्दा दर्ता गरेको सूचना अधिकारी एवं प्रहरी निरीक्षक भास्कर चन्दले बताउनु भयो । साथै जिल्ला अदालतबाट निज शिक्षकमाथि अनुसन्धानका लागि पाँच दिन म्याद थप गरिएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता