३० मंसिर, डोटी । सुदूरपश्चिम प्रदेशमा हालसम्म एक लाख २४ हजार तीन सय ८९ जनाको स्वाव परीक्षण भएको छ । परीक्षण भएकामध्ये १२ हजार चार ४८ जनामा कोरोना भाइरस संक्रमण पुष्टि भएको छ । यो संख्या परीक्षण गरिएकाहरुको करिब १० प्रतिशत हुन आउँछ । सुदूरपश्चिम प्रदेश स्वास्थ्य निर्देशनालयले दिएको जानकारी अनुसार हालसम्म प्रदेशमा ६ वटा स्वाव परीक्षण प्रयोगशाला छन् । सेती प्रादेशिक प्रयोगशालामा ६८ हजार सात सय पाँच जनाको स्वाव परीक्षण गरिएको छ । यस्तै डडेल्धुरा अस्पतालको प्रयोगशालामा २१ हजार आठ सय ५३, डोटी अस्पतालको प्रयोगशालामा ६ हजार नौ सय १९, बैतडी अस्पतालको प्रयोगशालामा दुई हजार चार सय २१, बझाङ अस्पतालको प्रयोगशालामा चार हजार आठ सय ४५ र अछाम कमलबजार प्रयोगशालामा तीन हजार एक सय सात जनाको नमुना परीक्षण भएको छ ।
यस्तै राष्ट्रिय जनस्वास्थ्य प्रयोगशाला काठमाडौंमा १६ हजार तीन सय १८ जना र कर्णाली प्रयोगशालामा तीन हजार एक सय सात जनाको स्वाव परीक्षण गरिएको निर्देशनालयको तथ्यांकमा उल्लेख छ ।
४६ जनाको मृत्यु ।
आइतवार कैलालीका ५५ वर्षीया एक महिला र कञ्चनपुरका ७५ वर्षीया एक महिलाको मुत्यृ भएसँगै सुदूरपश्चिम प्रदेशमा कोरोनाका कारण ज्यान गुमाउनेहरुको संख्या ४६ पुगेको छ । यो संख्या प्रदेशमा पुष्टि भएका कुल संक्रमित संख्याको ०।३ प्रतिशत हुन आउँछ । हालसम्म कैलालीमा सबैभन्दा बढी २५ जनाले ज्यान गुमाएका छन् । यस्तै कञ्चनपुरमा सात, बझाङमा तीन र डडेल्धुरामा तीन जनाले पनि कोरोना संक्रमणकै कारण ज्यान गुमाउनु परेको छ । अछाम, बाजुरा र दार्चुलामा दुई–दुई जनाले कोरोनाविरुद्धको लडाइँमा आफ्नो ज्यान गुमाए । डोटी र बैतडीमा एक–एक जनाको कोरोनाकै कारण ज्यान गएको छ ।
आइसोलेसनमा २,२४९ जना
सोमवार साँझसम्मको तथ्यांक अनुसार सुदूरपश्चिममा दुई हजार दुई सय ४९ जना आइसोलेसनमा रहेका छन् । कञ्चनपुरमा एक सय ५०, डोटीमा ७५, डडेल्धुरामा ३८ र कैलालीमा ३५ जना बिभिन्न अस्ताल तथा स्थानीय तहहरुले तयार गरेका आइसोलेसनमा रहेका छन् । यस्तै अछाममा २८ र बझाङमा २२ जना पनि आइसोलेसनमा रहेका छन् । अन्य एक हजार नौ सय जना घरमै आइसोलेसनमा रहेका निर्देशनालयले जनाएको छ । सोमबारसम्म सात जना आइसियु र तीन जना भेन्टिलेटरमा राखेर उपचार भइरहेको छ ।
२,३८२ जना सक्रिय संक्रमित
सोमवारसम्मको तथ्यांक हेर्दा यस प्रदेशमा दुई हजार तीन सय ८२ जना सक्रिय संक्रमितहरु रहेका छन् ।
प्रदेश स्वास्थ्य निर्देशनालयको तथ्यांक अनुसार सोमवार मात्रै कैलालीमा ४४, अछाममा १०, बझाङमा पाँच, डडेल्धुरामा दुई, कञ्चनपुरमा आठ र बाजुरामा एक गरि ७० जना नयाँ संक्रमित थपिएका छन् । योसँगै कैलालीमा पाँच सय ८६, अछाममा तीन सय ५५, बझाङमा तीन सय ४२ र दार्चुलामा दुई सय ५७ सक्रिय संक्रमितहरु रहेका छन् । यस्तै कञ्चनपुरमा दुई सय १०, डोटीमा एक सय ८९, डडेल्धुरामा दुई सय ५७ बैतडीमा एक सय १४ र बाजुरामा ३५ जना सक्रिय संक्रमितहरु रहेका छन् । हालसम्म १० हजार २० जनाले कोरोना विरुद्धको लडाइँ जितेका छन् ।
एक सातामा ६३२ संक्रमित थपिए
गएको एक सातामा यस प्रदेशमा ६ सय ३२ जना नयाँ संक्रमित थपिएका छन् ।
गत २५ गते साताकै सवैभन्दा बढी एक सय ४५ जना संक्रमित थपिएका छन् । यस्तै २४ गते एक सय २३ जना र २७ गते एक सय सात जना संक्रमित थपिएका छन् । यसैगरी २३ गते ५९, २६ गते ५८, २८ गते ६९ र सोमवार ७० जना नयाँ संक्रमित थपिएको प्रदेश स्वास्थ्य निर्देशनालयको तथ्यांकले देखाउँछ । onlinekhabar
दार्चुला जिल्ला पुर्ण खोप समन्वय समितिको आयोजनामा बिहीवार खलगामा आयाेजित एक कार्यक्रमका बीच जिल्लालाई पुर्ण खाेप सुनिश्चित घाेषणा गरिएकाे हाे । पहिलाे पटक २०७३ मा दार्च...
खानपान र जीवनशैली अव्यवस्थित हुँदा स्वास्थ्यमा विभिन्न समस्या निम्तिन्छ । यसले दीर्घरोदेखि अकस्मात् मृत्युसम्मको जोखिम हुनसक्छ । स्वास्थ्य विज्ञहरुका अनुसार हामीले जे खाए...
शरीरभित्र हुने रासायनिक गतिविधिहरूकै कारण मानिस जीवित र स्वस्थ रहन्छ । यी रासायनिक गतिविधिलाई गति दिने काम मानव शरीरको प्रत्येक कोषिकामा रहेको हजारौं इन्जाइमको हो । उदाहर...
गर्मीयाममा छालासम्बगर्मीमा घमौराबाट कसरी बच्ने न्धी विभिन्न रोगले सताउँछ । त्यसमध्ये एक हो घमौरा आउनु । विशेषगरी तराई क्षेत्रमा त यो आम स्वास्थ्य समस्या नै बन्छ । घमौरा प...
दार्चुला जिल्लाका तीन वटा स्थानीय तहमा बैशाख १६ गते देखि २५ गते सम्म निःशुल्क आँखा शिविर सञ्चालन हुने भएको छ । दार्चुला जिल्लाका महाकाली नगरपालिकामा वैशाख १६ देखि १८ गतेस...
सुत्केरी व्यथा लागेर विहान अस्पताल आउने क्रममा महाकाली नगरपालिका ४ खलंगा बसपार्कमा कल्पना लोहारले बाटोमै बच्चा जन्माईन् । दार्चुलाको व्याँस गाउँपालिका वडा नम्बर ६ हुती घर...
दृष्टिकोण दैनिक सम्बाददाता