दृष्टीकोण समाचार साउन १७ दार्चुला । भारतसँग सीमा जोडिएको झुलाघाट नाकामा पक्की पुल नहुँदा बैतडीसहित प्रदेश सातको आर्थिक समृद्धिमा बाधा पुगेको छ । झुलाघाट नाकामा पक्की पुल नहुँदा बैतडीका विभिन्न क्षेत्रमा आउन चाहने भारतीय पर्यटक आउन नसकेको बैतडी उद्योग वाणिज्य संघका अध्यक्ष नरबहादुर चन्दले बताउनुभयो । सीमा क्षेत्रका धेरै पर्यटकहरु बैतडी आउन चाहे पनि सीमा क्षेत्रमा पक्की पुल नहुँदा उनीहरु आउन नसकेको उहाँले बताउनुभयो । झुलाघाटमा पुल निर्माणका लागि देशका सबै सरकारले आश्वासन दिए पनि पुल निर्माण हुन नसकेको चन्दको भनाइ छ ।‘झुलाघाटमा पक्की पुल बनाउने भनेर सबैजसो प्रधानमन्त्रीले भनिसकेका छन् । भारत भ्रमणको एजेण्डामा पनि धेरैले झुलाघाट पुल निर्माण राख्ने गरेका छन्’, दशरथचन्द नगरपालिका बस्कोटका विनोदबहादुर चन्दले भन्नुभयो, ‘झुलाघाटमा पक्की पुल नभएकै कारण हामीले करोडौंको व्यापार घाटा व्यहोरिरहेका छौँ । यो बिषयमा सरकारले बुझ्नु आवश्यक छ’, उहाँले थप्नुभयो ।झुलाघाट नाका प्रदेश सातका पहाडी जिल्लाबाट भारत जानेहरुको प्रमुख नाकाको रुपमा समेत चिनिने गरिएको छ । झुलाघाटमा पक्की पुल बनाउने बिषयमा अहिले सम्मका सरकारहरुले आश्वासन दिएको भएपनि पूरा भने कसैले गर्न सकेका छैनन् । झुलाघाटमा झण्डै डेढ सय वर्षअघि इष्ट इण्डिया कम्पनीले निर्माण गरेको झोलुंगे पुलबाट आवतजावत भइरहेको छ । झण्डै डेढ सय वर्षअघि इष्ट इण्डिया कम्पनीले नेपाल –भारत सीमा नाका झुलाघाटस्थित महाकाली नदीमा बनाएकोे झोलुंगे पुल जीर्ण बन्दै गएपछि बैतडीलगायत प्रदेश ७ का डडेल्धुरा, बझाङ, डोटी र दार्चुलाबाट यो नाकाबाट आवतजावत गर्नेहरु समस्यामा परेका छन् । यो झोलुंगे पुल मात्रै नभएर दुई देशको सम्बन्ध जोड्ने पुल भएको भारतीय पत्रकार भगीरथ अवस्थीले बताउनुभयो । उहाँले भन्नुभयो, ‘झुलाघाट पुल नेपालको मात्रै नभएर भारतको पनि चासोको विषय हो । झण्डै डेढसय वर्षअघि बनेको पुलको ठाउँमा पक्की पुल बनाउनुपर्छ । तर, पक्की पुल त टाढाको विषय भयो जीर्ण भएको पुलको जीर्णोद्धारका विषयमा समेत चासो दिइएको छैन् ।’सीमा बजार झुलाघाटमा सडक पुगे पनि मोटरेबल पुल नहुँदा आवतजावतमा पनि समस्या हुने गरेको छ । पहाडी क्षेत्रका नागरिकहरु उपचारको लागि पनि झुलाघाट नाकाबाट भारत जाने गर्दछन । सडक सुविधा पुगेको दुई दशक बित्दा समेत सुदूरपश्चिमको पहाडी नाका झुलाघाटमा मोटरेबल पक्की पुल नहुँदा बिरामीलाई बोकेर लैजानुपर्ने बाध्यता रहेको उद्योग वाणिज्य संघ बैतडीका उपाध्यक्ष खीमानन्द भट्टले बताउनुभयो । लाघाटमा पक्की पुल नहुँदा नेपालमा उत्पादित तरकारी, महलगायतका वस्तुहरु निर्यात गर्न कठिनाई भएको लघु उद्यमी समूह संघ बैतडीका अध्यक्ष इन्द्रदेवशरण भट्टले बताउनुभयो । झुलाघाटमा पक्की पुल नभएका कारण यो क्षेत्रको आर्थिक समृद्धिमा बाधा पुगेको उहाँले बताउनुभयो । धनगढी महेन्द्रनगर पुर्याउनुभन्दा नजिकै भारतीय बजारमा बढी मूल्य पाइन्छ । तर मोटरेबल पुलको अभावमा स्थानीय उत्पादन निर्यात गर्न सकिएको छैन ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता