दृष्टिकोण समाचार मंसिर २१ दार्चुला । दार्चुलमा क्रियाशिल पत्रकारहरुसंग भेटघाँटका क्रममा पहिलो पटक दार्चुला आइपुग्नु भएका बरिष्ठ उपाध्यक्ष विपुल पोखरेलले पत्रकारिता क्षेत्रमा संघीयताले नछोएको टिप्पणी गरेका छन् । ‘संघीय आयो हामी नै भन्छौँ, हामी नै लेख्छौँ, तर मलाई लाग्छ पत्रकारहरुलाई संघीयताको महशुस गराएको छैन’ बरिष्ठ उपाध्यक्ष पोखरेलले भन्नु भयो । पत्रकारहरुले परिचय पत्रका लागि पनि काठमाण्डौँ जानुपर्ने विगतकै बाध्यता कायमै रहेको स्मरण गर्दै यस्तो प्रतिक्रिया दिएका हुन् । देशमा संघीयता आएपनि पत्रकारहरुले परिचय पत्र, प्रेस प्रतिनिधि बनाउन तथा नवीकरण गर्न अहिले पनि काठमाण्डौ धाउनुपर्ने बताउदै संघीयताको महशुस पत्रकारलाई नगराएको टिप्पणी गर्नु भएको हो । नेपाल पत्रकार महासंघका सदस्य लिएको जिल्लाका पदाधिकारी तथा सदस्यहरुले अहिले पनि नवीकरण गराउन काठमाण्डौँ नै धाउनु पर्ने बाध्याता कायमै छ । साथै प्रेस प्रतिनिधि(पास) नवीकरण गर्न पनि काठमाण्डौँ जानुपर्ने बाध्यताले रहेको छ । दार्चुला जिल्लाका क्रियाशील पत्रकारहरुले प्राप्त गरेका प्रेस प्रतिनिधि पनि नवीकरण गराउन सकिरहेका छैनन् । सूचना तथा सञ्चार विभागको घुम्ती टोलीले दार्चुलाका ५१ जना क्रियाशील पत्रकारहरुलाई प्रेस प्रतिनिधि उपलब्ध गराएको थियो । गत वर्ष पाएको प्रेस प्रतिनिधि नवीकरण गराउनुपर्ने समय भएपनि नवीकरण गराउन सकिरहेका छैनन् । नेपाल पत्रकार महासंघ जिल्ला अध्यक्ष शंकरसिंह धामीका अनुसार ५१ जनाले प्रेस प्रतिनिधि पाएका छन् । तर प्रेस प्रतिनिधि परिचय पत्र पाएकाहरुले नवीकरण गराउन नसकेको अवस्था रहेको छ । नेपाल पत्रकार महासंघको नयाँ सदस्यता लिन, नवीकरण गराउन पनि अझै काठमाण्डौँ धाउनुपर्ने बाधयता रहेकाले पत्रकारहरुलाई संघीयताले नछोएको टिप्पणी बरिष्ठ उपाध्यक्षले गरेका हुन् । ‘संघीय टिकाउने जिम्मेवारीमा हामी छौँ, हामीहरुले नै संघीयताको महशुस गर्न सकिरहेका छैनौँ, यो बिडम्बना हो’ उहाँले भन्नु भयो । नेपाल पत्रकार महासंघ केन्द्रिय बरिष्ठ उपाध्यक्ष विपुल पोखरेल, सचिव रामप्रसाद दाहाल, कोषाध्यक्ष राजेश मिश्र, केन्द्रिय सदस्य मिन बम लगायतको टोली जिल्ला आइपुगेको हो । जिल्लामा क्रियाशील पत्रकारहरुसंग भेटघाँट तथा कोरोना महामारीका कारण पत्रकारितामा परेको असर लगायतका बारेमा जानकारी लिन पत्रकार महासंघ केन्द्रिय समितिको टोली जिल्ला आइपुगेको हो । नेपाल पत्रकार महासंघ केन्द्रिय समितिको टोलीलाई महासंघ जिल्ला शाखा दार्चुलाका अध्यक्ष शंकरसिंह धामीलाई जिल्लामा स्वागत तथा सम्मान गरेका छन् ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता