दृष्टिकोण समाचार मंसिर ११ दार्चुला । दार्चुला जिल्लाका ९ वटै स्थानीय तहमा विद्यालय सञ्चालन भएका छन् । कोरोना भाईरसको जोखिमका कारण बन्द रहेका दार्चुलाका सबैजसो विद्यालयहरुमा पठनपाठन शुरु भएको छ । सरकारले कोरोना भाइरस कोभिड–१९ को प्रभाव नभएको ठाउँमा विद्यालय खोल्न सम्बन्धित स्थानीय तहलाई जिम्मा दिएपछि जिल्लाभरीका सबै विद्यालयहरुमा पठनपाठन शुरु भएको शिक्षा विकास तथा समन्वय इकाइ दार्चुलाका प्रमुख जयराज पन्तले जानकारी दिनुभयो ।दार्चुलामा ३ सय ३७ सामुदायिक र १९ वटा संस्थागत गरी कुल ३ सय ५६ विद्यालय सञ्चालनमा छन् । जिल्लाभरीका ७२ वटा माद्यमिक विद्यालयमा ७ हजार र २ सय ६५ आधारभुत विद्यालयमा २६ हजार गरी कुल ३३ हजार विद्यार्थी अद्ययनरत रहेका छन् । ७ वटा गाउँपालिका र २ वटा नगरपालिका गरी ९ वटा पालिका रहेको दार्चुलाका सबै स्थानीय तहमा विद्यालय सञ्चालनमा आइसकेको सम्बन्धित शिक्षा शाखाहरुले बताएका छन् । यद्धपी केहि विद्यालयहरु अझैपनि नियमित रुपमा सञ्चालन भइनसकेको पाइएको छ ।स्वास्थ्य सुरक्षाका मापदण्डको पालना गरेर बन्द रहेका विद्यालय सञ्चालन गर्न कार्यविधी जारी गरेसँगै चैत देखि बन्द रहेका विद्यालयहरु सञ्चालनमा आएका हुन् । विद्यलाय लामो समयसम्म बन्द भएपछि सरकारले असार १ गते बाट वैकल्पिक शिक्षण सिकाइ सहजिकरण सुरु गरेको थियो । दुर्गम क्षेत्रका अधिकासं विद्यार्थीहरु बैकल्पिक शिक्षाको पहुँच बाहिर रहेकोले विद्यार्थीहरुको समस्यालाई मध्यनजर गरेर कक्षा सञ्चालन गरिएको लेकम गाउँपालिकाका शिक्षा शाखा स्रोत ब्यक्ति मोहन देव विष्टले बताउनुभयो ।आठ वटा स्थानीय तहमा यसअघि नै विद्यालय सञ्चालनमा आइसकेको र शैल्यशिखर नगरपालिकामा सोमबार देखि विद्यालय सञ्चालन गरिएको शिक्षा विकास तथा समन्वय इकाइ दार्चुलाका प्रमुख जयराज पन्तले जानकारी दिनुभयो । दार्चुलामा हाल ३० जना कोरोना भाइरसका सक्रिय संक्रमित रहेकोले सुरक्षा सावधानी अपनाएर विद्यालय सञ्चालन गरिएको उहाँले बताउनुभयो ।
शिक्षा, विज्ञान तथा प्रविधिमन्त्री विद्या भट्टराईले एक महिनाभित्र अनिवार्य र निःशुल्क शिक्षा ऐन कार्यान्वयन गर्ने बताएकी छन् । बुधवार संघीय संसद प्रतिनिधि सभा अन्तर्गतको...
काठमाडौं महानगरपालिकाले महानगरभित्र सञ्चालित संस्थागत विद्यालयले छात्रवृत्ति दिने विद्यार्थीहरूको संख्या सार्वजनिक गरेको छ । महानगरका अनुसार ४७३ संस्थागत विद्यालयले कक्षा...
रोजगार अनुमति प्रणाली ईपीएस अन्तर्गत उत्पादनमूलक क्षेत्रको दोस्रो चरणको सीप परीक्षणको नतिजा सार्वजनिक भएको छ । वैदेशिक रोजगार विभागको ईपीएस कार्यालयले वैशाख ९ गते देखि १५...
दार्चुला जिल्लाका नौ वटै स्थानीय तहका सबै विद्यालयहरुमा विद्यार्थी भर्ना अभियान उत्सहजनक रुपमा सञ्चालन भइरहेको जिल्ला शिक्षा समन्वय इकाइ दार्चुलाले जनाएको छ । जिल्ला भरीक...
विद्यालय दिवा खाजा कार्यक्रम तथा आपूर्ति श्रृंखला सम्बन्धी दार्चुला जिल्लाका नौ वटै स्थानीय तहका सरोकारवालाहरुसँग परामर्श बैठक गरिएको छ । आईतबार दार्चुला जिल्ला सदरमुकाम...
गोकुलेश्वर माध्यामिक बिधालय कक्षा १० मा अध्ययनरत बिद्यार्थीहरुको बिदाइ गरिएको छ ।
दृष्टिकोण दैनिक सम्बाददाता