बैतडी मंसिर ९ । बैतडीमा जीप दुर्घटना हुँदा ५ जनाको मृत्यु भएको छ । झुलाघाटबाट गोठलापानीतर्फ आउदै गरेको ना १ ज २१९६ नम्बरको जीप दशरथचन्द नगरपालिका वडा नम्बर १० बुड्डा नजिकै दुर्घटना हुँदा ५ जनाले घटनास्थलमै ज्यान गुमाएको जिल्ला प्रहरी कार्यालय बैतडीले जनाएको छ ।पेन्सन बुझेर झुलाघाटबाट घर फर्किदै गरेका बृद्धबृद्धाहरुको मृत्यु भएको बताइएको छ । मृत्यु हुनेमा बैतडीको सुर्नया गाउँपालिका वडा नम्बर ४ का ७५ वर्षीया कलावती चन्द, पाटन नगरपालिका वडा नम्बर ५ का ७७ वर्षीय भगीरथ पाण्डेय, सोही ठाउँकी ७० वर्षीया पार्वती देवी चन्द, दशरथचन्द नगरपालिका वडा नम्बर २ देहिमाण्डौंका ५८ वर्षीय कृष्ण लावड र दशरथचन्द नगरपालिका वडा नम्बर ५ बस्कोटका ७२ वर्षीया पार्वती चन्द रहेको प्रहरीले जनाएको छ । यस्तै दुर्घटनामा परी चालकसहित ५ जना घाइते भएका छन् । घाइते हुनेमा दशरथचन्द नगरपालिका वडा नम्बर ९ का ४६ वर्षीय खगेन्द्र प्रसाद जोशी, दोगडाकेदार गाउँपालिका वडा नम्बर ६ का ५० वर्षीय कृष्णानन्द भट्ट, दशरथचन्द नगरपालिका वडा नम्बर २ देहिमाण्डौंका २२ वर्षीय प्रदिप लावड, दशरथचन्द नगरपालिका वडा नम्बर ५ का ३५ वर्षीय रविन्द्र चन्द र चालक दशरथचन्द नगरपालिका वडा नम्बर ४ का अन्दाजी ३५ वर्षीय गोपाल सिंह कार्की रहेको प्रहरीले जानकारी दिएको छ । चालक कार्कीको टाउकोमा गम्भीर चोट लागेकोले थप उपचारका लागि धनगढी रेफर गरिएको छ । जीप सडकबाट झण्डै दुई सय मिटर तल खसेको बताइएको छ । घटना सम्बन्धी थप अनुसन्धान भइरहेको प्रहरीले बताएको छ । तीव्र गतिमा रहेका जिप अनियन्त्रित भएर दुर्घटनामा परेको हुन सक्ने प्रहरीले अनुमान गरेको छ । दुर्घटनामा परेर मृत्यु भएका सबै नागरिक भारतबाट पेन्सन बुझेर आउँदै गरेका बुझिएको छ । गएको चैतदेखि पेन्सन बुझ्न नपाउँदा पेन्सनधारीहरुका लागि सोमबारदेखि शुक्रबार सम्मका लागि झुलाघाट नाका खोलिएको छ । झुलाघाटमा पेन्सन बुझ्नेहरुको भिड लागेको छ ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता