दृष्टिकोण समाचार मंसिर ८ दार्चुला । दार्चुला जिल्लाको मालिकार्जुन गाउँपालिकाले पनि आइतबार कोभिड–१९ अस्थायी अस्पताल उद्घाटन गरिएको छ । जिल्लाकै तेस्रो स्थानीय तहको रुपमा मालिकार्जुन गाउँपालिकाले कोभिड अस्पताल उद्घाटन गरेको हो । गाउँपालिकाको कार्यालय रहेकै क्षेत्र वडा नम्बर ८ स्थित स्वास्थ्य चौकी शंकरपुर पस्तीमा कोभिड अस्पताल उद्घाटन गरिएको गाउँपालिका अध्यक्ष नरेन्द्र सिंह धामीले बताउनु भयो । कोरोना महामारीलाई मध्यनजर गरी नेपाल सरकारले अस्पताल नरहेका स्थानीय तहमा कोभिड अस्थायी अस्पतालका लागि बजेट नै विनियोजन गरेको थियो । अस्पताल नरहेका स्थानीय तहलाई बजेट उपलब्ध गराएर कोभिड अस्थायी अस्पताल सञ्चालन गर्न लागिएको हो ।सोही अनुसार दार्चुला जिल्लाका अस्पताल नरहेका स्थानीय तहले पनि कोभिड अस्पताल उद्घाटन गर्न लागेका हुन् । सोही कार्यक्रम अन्तरगत मालिकार्जुन गाउँपालिकाले पनि एक औपचारिक कार्यक्रमकाबीच कोभिड अस्पतालको उद्घाटन गरेको हो ।वडा नम्बर ८ का वडाध्यक्ष एवं स्वास्थ्य व्यवस्थापन समिति अध्यक्ष पदमराज पन्तको अध्यक्षता तथा गाउँपालिका अध्यक्ष नरेन्द्र सिंह धामीको प्रमुख आतिथ्यतामा उद्घाटन गरिएको हो । गाउँपालिकाले यसअघि नै मेडिकल अधिकृत डाक्टरको व्यवस्थापन गरिसकेको थियो । मेडिकल अधिकृत डाक्टर निराजन बोहरालाई गाउँपालिकाले यसअघि नै स्वागत गरिसकेको थियो ।अस्थायी कोभिड अस्पतालका लागि आबश्यक स्टाफ नर्स लगायत जनशक्तिको विज्ञापन खोलिने गाउँपालिको अध्यक्ष धामीले बताउनु भयो । ‘डाक्टरको व्यवस्थापन हामीले गरिसकेका छौँ, बाँकी जनशक्तिका लागि केही दिनमा विज्ञापन खोल्छौँ’ अध्यक्ष धामीले भन्नु भयो । मालिकार्जुन गाउँपालिकामा कोभिड अस्पताल सञ्चालन भएसंगै कोभिड अस्पताल स्थापना गर्न स्थानीय तहको संख्या तीन पुगेको छ । सुरुमा सबैभन्दा पहिले मार्मा गाउँपालिकाले डाक्टरको व्यवस्थापन गरि कोभिड अस्थायी अस्पताल उद्घाटन गरेको थियो । डाक्टर तथा अन्य जनशक्तिको समेत व्यवस्थापन गरिएको छ । यो संगै जिल्लाका स्थानीय तहमा कोभिड अस्पताल सञ्चालन भएका छन् ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता