काठमाण्डौ कार्तिक १९ । चिसो मौसममा कोरोना सङ्क्रमणदर अझ बढ्ने र बिरामीलाई बढी समस्या हुन सक्ने भएकाले सावधानी अपनाउन डाक्टरले सुझाव दिएका छन् । कोरोना सङ्क्रमित हुने क्रम रहिरहँदा चिसो पनि बढ्न थालेकाले कोरोनाको जोखिमसँगै अरु विभिन्न स्वास्थ्य समस्या हुने भएकाले सावधानी अपनाउन सरुवा रोग विशेषज्ञ डाक्टर शेरबहादुर पुनले सुझाव दिनुभएको छ । विभिन्न देशमा गरिएको अध्ययनमा जाडो समयमा कोरोना सङ्क्रमितको सङ्ख्या र मृत्युदर बढेकाले नेपालमा पनि बढ्ने अनुमान गरिएको डाक्टर पुनले बताउनुभयो । जाडो महिनासँगै कोरोना सङ्क्रमित बढ्ने र अन्य रोगका बिरामीलाई त्यसले झनै असर गर्ने उहाँको भनाई छ । अहिले मौसमी फ्लुका बिरामी पनि भेटिन थालेका छन् । यस्तै रुघाखोकी लाग्ने, बालबालिकामा पखाला लाग्ने लगायतका स्वास्थ्य समस्या पनि देखिन थालिसकेको उहाँले बताउनुभयो । कोरोना र मौसमी फ्लुको लक्षण लगभग मिल्दोजुल्दो हुने भएकाले नआत्तिन तर सरसफाइ र सावधानी भने निरन्तर अपनाउन उहाँको आग्रह छ । अहिले कतिपय कोरोना सङ्क्रमण भएर उपचार गराइरहेका बिरामीमा खोकी कम नहुने र निको भएका व्यक्तिमा हिँड्डुल गर्दा पनि स्याँस्याँ हुने, मांसपेसी दुख्नेजस्ता समस्या देखिएको उहाँले बताउनुभयो । यो समयमा बालबालिका, वृद्धवृद्धा तथा मुटु, मिर्गौला, क्यान्सर, मधुमेह, श्वासप्रश्वास, दमका रोगीलाई बढी सताउन सक्छ । दीर्घरोगीलाई झनै खतरा रहेको उहाँले जानकारी दिनुभयो । अरू बेलाभन्दा शरीरको प्रतिरोध क्षमता जाडोमा कमजोर हुने र कम घाम लाग्ने भएकाले शरीरका लागि चाहिने भिटामिन ‘डी’ को पनि कमी हुने भएकाले विशेष ध्यान दिनुपर्ने उहाँको सुझाव छ । सामान्य रुघाखोकी लागेको छ भने घरमै बाफ लिने, तातोपानी पिउने लगायतका उपचार गर्न सकिन्छ । लामो समय समस्या देखिएमा र अवस्था जटिल बनेमा भने अस्पताल जानुपर्ने डाक्टर पुन बताउनुहुन्छ ।
दार्चुला जिल्ला पुर्ण खोप समन्वय समितिको आयोजनामा बिहीवार खलगामा आयाेजित एक कार्यक्रमका बीच जिल्लालाई पुर्ण खाेप सुनिश्चित घाेषणा गरिएकाे हाे । पहिलाे पटक २०७३ मा दार्च...
खानपान र जीवनशैली अव्यवस्थित हुँदा स्वास्थ्यमा विभिन्न समस्या निम्तिन्छ । यसले दीर्घरोदेखि अकस्मात् मृत्युसम्मको जोखिम हुनसक्छ । स्वास्थ्य विज्ञहरुका अनुसार हामीले जे खाए...
शरीरभित्र हुने रासायनिक गतिविधिहरूकै कारण मानिस जीवित र स्वस्थ रहन्छ । यी रासायनिक गतिविधिलाई गति दिने काम मानव शरीरको प्रत्येक कोषिकामा रहेको हजारौं इन्जाइमको हो । उदाहर...
गर्मीयाममा छालासम्बगर्मीमा घमौराबाट कसरी बच्ने न्धी विभिन्न रोगले सताउँछ । त्यसमध्ये एक हो घमौरा आउनु । विशेषगरी तराई क्षेत्रमा त यो आम स्वास्थ्य समस्या नै बन्छ । घमौरा प...
दार्चुला जिल्लाका तीन वटा स्थानीय तहमा बैशाख १६ गते देखि २५ गते सम्म निःशुल्क आँखा शिविर सञ्चालन हुने भएको छ । दार्चुला जिल्लाका महाकाली नगरपालिकामा वैशाख १६ देखि १८ गतेस...
सुत्केरी व्यथा लागेर विहान अस्पताल आउने क्रममा महाकाली नगरपालिका ४ खलंगा बसपार्कमा कल्पना लोहारले बाटोमै बच्चा जन्माईन् । दार्चुलाको व्याँस गाउँपालिका वडा नम्बर ६ हुती घर...
दृष्टिकोण दैनिक सम्बाददाता