दृष्टिकोण समाचार कार्तिक ५ दार्चुला । नेपालमा रहेका भारतीय पेन्सनरहरुका लागि नेपाल–भारत जोड्ने खलंगा र जौलजिवि सीमा पुल आजदेखि तीन दिन सम्म खुल्ने भएका छन ।कोरोना भाइरसको जोखिमलाई मध्यनजर गर्दै गत चैत ११ गतेबाट बन्द भएका सीमा पुलहरु भारतीय पेन्सनर रहेका नेपाली नागरिकहरुलाई भारतबाट पेन्सन बुझ्न र भारतमा बैंक खाता रहेकाहरुलाई कारोबार गर्नका लागि दोस्रो पटक खुलेका हुन । गत चैत्र ११ गते देखि सीमानाका बन्द भएयता पेन्सरनरहरुका लागि गत असार २४ गते देखि २६ गते सम्म पनि सीमापुल खोलिएको थियो । भारतमा रोकिएका नेपालीहरु र नेपालमा रोकिएका भारतीयहरु अर्थात सीमा क्षेत्रमा समस्यामा परेका दुबै देशका नागरिकहरुलाई स्वदेश फिर्ता हुन पटकपटक पुल खोलिएपनि पेन्सन बुझ्नका लागि भने यसअघि एक पटक मात्रै असार २४ गते सीमा पुल खोलिएको थियो । त्यसयता पेन्सनरहरु र भारतमा बैंक खाता सञ्चालनमा रहेका नागरिकका लागि सीमापुल नखोलीदा भारतीय सेनामा सेवा गरेका रिटार्यड र भारतीय खाताधारी नेपालीहरु समस्यामा परेका थिए ।जिल्ला प्रशासन कार्यालय दार्चुलाले नेपालीहरुको महान पर्व दशैँ शुरु भएकोले दशैँ खर्च जोहो गर्न समेत समस्या भएको भन्दै भारतीय पेन्सनरहरुले दशै मनाउनका लागि भएपनि पेन्सन बुझ्नुपर्ने भएकाले सीमापुलहरु खोल्ने विषयमा भारतीय प्रशासनलाई पत्राचार गरेको थियो । उक्त पत्रको जवाफमा भारतको धार्चुलाका एसडीएम अनिल कुमार शुक्लाले नेपाली पक्षलाई पत्र लेख्दै कार्तिक ५ गते देखि ७ गते सम्म विहान ९ बजे देखि २ बजे सम्म खलंगा स्थित सीमापुल र जौलजिवि स्थित सीमापुल खोल्ने सहमती ब्यक्त गरे अनुसार तीन दिनसम्म तोकिएको समयमा सीमा पुल खुल्ने जिल्ला प्रशासन कार्यालयले जनाएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता