दृष्टिकोण समाचार, असोज २ दार्चुला । दार्चुला जिल्लाको मालिकार्जुन गाउँपालिका वडा नम्बर ४ हुनैनाथ औतालेकमा रहेको हुनैनाथ मन्दिर क्षेत्रलाई पर्यटकीय गन्तव्यका रुपमा विकास गरिन लागेको छ । मालिकार्जुन गाउँपालिकाले संस्कृति पर्यटन तथा उड्डयन मन्त्रालयसँग साझेदारी गर्न पर्यटन पुर्वाधार तथा पर्यटन उपज विकास साझेदारी कार्यक्रमका लागि मन्त्रलयमा प्रस्ताव पेश गरिएको छ । हुनैनाथ पर्यटन विकास समाजले हुनैनाथ मन्दिर क्षेत्रमा रानीपातल बगैँचा निर्माण सहित हुनैनाथ क्षेत्रलाई धार्मिक पर्यटनको रुपमा विकास गर्नका लागि गाउँपालिकालाई अनुरोध गरेको हुनैनाथ पर्यटन विकास समाजका अध्यक्ष मदनसिह धामीले जानकारी दिनुभयो । हुनैनाथ मन्दिर दार्चुला जिल्लाको लेकम क्षेत्रमा शक्तिपीठका रुपमा चिनिन्छ । सो क्षेत्रको विकास गर्नका लागि मन्दिर क्षेत्रमा पर्यटनसँग सम्बन्धित सम्पुर्ण पुर्वाधार तथा वातावरण मैत्री रानीपातल बगैँचा निर्माणको गुरुयोजना लगत्तै निर्माण गरिने संस्थाका कार्यकारी निर्देशक कृष्ण सिह धामीले जानकारी दिनुभयो । नेपाल सरकारले देशभरीका सयवटा पर्यटकीय गन्तव्य मध्ये दार्चुलाको मालिकार्जुन गाउँपालिकालाई घोषणा गरेको छ । मालिकार्जुन राष्ट्रकै सातौँधामको रुपमा परिचित रहेको छ । मालिकार्जुनसँगै रहेका गाउँपालिका भित्रका अन्य पर्यटकीय क्षेत्रहरुको चरणबद्ध रुपमा विकास गर्ने गरी गाउँपालिकाले सबै निकायसँग सहकार्य गरिरहेको मालिकार्जुन गाउँपालिका अध्यक्ष नरेन्द्रसिह धामीले जानकारी दिनुभयो । मालिकार्जुन गाउँपालिकाले चालु आर्थिक बर्षमै कार्यान्वयन गर्ने गरी हुनैनाथसँगै शंकरपुर क्षेत्रमा रहेको शिवालयमा पनि पार्क निर्माणको लागि मन्त्रालयमा प्रस्ताव पेश गरेको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता