दृष्टिकोण समाचार साउन २५ दार्चुला । दार्चुला जिल्लाको लेकम गाउँपालिका ०५ पिड अम्कुरका स्यानो दमाईको परिवार यतिबेला शोकमा डुबेका छन् । यहि श्रावण ०६ गते बिहान स्यानो दमाईका दुईवटै छोराहरु अर्जनु दमाई र मिलन दमाईको पहिरोमा परि निधन भएको थियो । मालिकार्जुन गाउँपालिका–८ पस्तिमा घर माथिबाट पहिरो खस्दा उनीहरुको मृत्यु भएको हो । सुदूरपश्चिममा गौरा पर्वको लागि नयाँ लुगा सिलाउने चलन छ । पस्तिमा दिदि लक्ष्मी दमाईको पसलमा लुगा सिलाउने काम गर्न दुइवटै दाजु भाई अर्जुन र मिलन पीडबाट पस्ती गएका थिए । तर हुनेहार दैव नटार भने जस्तै अबिरल वर्षासँगै खसेको पहिरोले उनीहरुको ज्यान नै लियो । उनीहरुको मुख्य पेशा नै कपडा सिलाउने हो । स्यानो दमाई पनि कपडा सिलाउने काम गर्छन् । तर उमेरले बुढो हुँदै गएपछि आँखा कमजोर भएर उनी अहिले कपडा सिलाउन निकै गारो मान्छन् । उनका दुईवटै छोराहरुले कपडा सिलाउने काम गरेर पारिवारिक गुजारा चलाएका थिए । २५ वर्षका अर्जुन दमाईको २ वटा छोरी छन् । भने १८ वर्षिया मिलनको बिहै नै भएको थिएन । मिलनको स्वर कुनै गायको भन्दा कम थिएन । उनले विकट ठाउँमा जन्मेकै कारण आफ्नो कलालाई देखाउन पाएका थिएनन् । उनको सपाना थियो गायक बन्ने तर दैबले उनलाई कलिलो उमेरमै लग्यो । दुईवटै छोराहरुको मृत्यु भएपछि स्यानो दामाईको परिवार शोकमा डुबेको छ । उनीहरुले सहयोगको समेत अपिल गरेका छन् । अर्जुन दमाइकी श्रीमतीको मानसिक अवस्था समेत विग्रिन थालेको अनिल परियारले बताए । उनका २ वटा छोरीहरुको भविष्यको लागि दमाई परिवाले सहयोगको अपिल गरेका छन् । लक्ष्मी बैंक लिमिटेड लेकम शाखामा स्यानो दमाईको नाममा रहेको बैंक खाता नं. ०९०४४००१४५७ मा सके जतिको सहयोग रकम उपलब्ध गराउन स्यानो दमाईले आग्रह गरेका छन् ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता