रमेश खत्री, साउन ५ दार्चुला । आईतबार राती देखि परेको अविरल बर्षाका कारण बाढी पहिरोले दार्चुला जिल्लाको विभिन्न ठाउँमा जनधनको क्षती गरेको छ । नौगाड गाउँपालिकामा २ जनाको मृत्यु भएको छ भने एक जना गम्भीर घाइते भएका छन् । मृत्यु हुनेमा नौगाड गाउँपालिका वडा नम्बर ६ परिगाउँ बस्ने ४२ वर्षीया मानमति ठगुन्ना र ७ वर्षिया आरती ठगुन्ना रहेको छन् । त्यस्तै मोहनसिह ठगुन्ना गम्भीर घाईते भएका छन् । नौगाड गाउँपालिकाका अध्यक्ष प्रेमसिह धामीका अनुसार पहिरोले परिगाउँका ७ वटा घर पुर्णरुपमा क्षति भएका छन भने ३ वटा घर उच्च जोखिममा रहेका छन् । परिगाउँ आधारभुत विद्यालय परिगाउँको १२ कोठे भवन पुर्णरुपमा क्षेति भएको छ । सयौँ गाईबस्तु भेडाबाख्रा, पहिरोमा पुरीएका छन् । त्यस्तै परिगाउँ जलविद्युत योजना, २० वटा पानीघट्ट, २२ वटा आरसिसि पुल, वडा नम्बर २ मा निर्माण गरिएको ६ सय मिटर घोरेटोबाटो पुर्णरुपमा क्षेति भएको छ । त्यस्तै ३ वटा पसल उच्च जोखिममा रहेका छन् भने वडा नम्बर ३ खारमा रहेको स्वास्थ्य चौकीको भवन पनि उच्च जोखिममा रहेको नौगाड गाउँपालिकाका अध्यक्ष प्रेमसिह धामीले जानकारी दिनुभयो । बाढीपहिरो गएको क्षेत्रमा प्रहरी स्थानीय र गाउँपालिकाबाट कर्मचारी परिचालन गरी उद्धार तथा क्षतीको विवरण संकलनको काम गरिएको अध्यक्ष धामीले बताउनुभयो । त्यस्तै महाकाली नगरपालिका वडा नम्बर १,३,४ र ५ मा पनि १० घर उच्च जोखिममा रहेका छन् । धैलीगाड खोलामा आएको बाढीले महाकाली लोकमार्ग अवरुद्ध हुनुका साथै निर्माणधीन पुलको पिलर च्यापिएको छ भने नदीले जमिन कटान गरिरेको छ । महाकाली नगरपालिका वडा नम्बर १ लास्कु खोलामा आएको बाढीले खार खलंगा सडक अन्र्तगत डुङरीमा बाटो अवरुद्ध भएको जिल्ला प्रहरी कार्यालय दार्चुलाका डिएसपी पदमबहादुर विष्टले जानकारी दिनुभयो ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता