दृष्टिकोण समाचार असार २५ दार्चुला । शैल्यशिखर नगरपालिकाले नगरपालिका भरीका विभिन्न कृषक समूहलाई विभिन्न कृषि सामग्रीहरु निःशुल्क वितरण गरेको छ । चालु आर्थिक वर्षको स्वीकृत वार्षिक कार्यक्रम अन्तरगत नगरपालिकाको कृषि विकास शाखाले नगरपालिका भरीका कृषक समूहलाई कृषि सामग्री हस्तान्तरण गरेको हो । हातेक्टेक्टर, पोलीहाउस, किटनाशक औसधी छर्कीने स्प्रे पम्प थोपा सिँचाई, दाँते, सिकेचर, हजारी लगायतका कृषि सामग्री निःशुल्क वितरण गरिएको नगरप्रमुख अमर सिंह धामीले बताउनु भयो । कृषि क्षेत्रमा उत्पादन बढाउने तथा कृषकहरुलाई कृषि क्षेत्रतर्फ आकर्षित गर्ने उद्देश्यले कृषक समूहलाई कृषि सामग्री वितरण गरिएको हो । विभिन्न कृषक समूहलाई २१ ओटा हाते टेक्टर, २ सय ६३ पोलिहाउस वितरण गरिएको नगरप्रमुख धामीले जानकारी दिनुभयो । कृषक समूहबाट ५२ ओटा हाते टेक्टरको माग भएकोमा २१ ओटा हाते टेक्टर वितरण गरिएको छ भने ५ सय ७५ ओटा पोलिहाउसको माग भएकोमा २ सय ६३ ओटा पोलिहाउस वितरण गरिएको छ । पछिल्लो सयम मकैमा किरा लाग्ने समस्याले कृषकहरुलाई सताएकाले किटनाशक औषधी छर्किने स्पे पम्पहरु पनि वितरण गरिएको नगरपालिकाका कम्प्युटर अपरेटर विनोद सिंह धामीले बताउनु भयो । सिकेचरको माग नभएपनि १ सय २९ थान वितरण गरिएको छ भने १ सय ८३ सिँचाई थोपा माग भएकोमा ५९ ओटा वितरण गरिएका कम्प्युटर अपरेटर धामीले बताएका छन् ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता