दृष्टिकोण समाचार बैशाख १८ दार्चुला ।एक महिना देखि धार्चुलाका क्वारेन्टाइनमा रहेका नेपाली मजदुरको उद्धार बिहीबार हुँदै छ । क्वारेन्टाइन अवधि सकिएपनि उद्धार हुन नसकेका नेपालीहरु ल्याउने विषयमा बुधबार अपरान्ह बसेको बैठकले बिहीबार बिहान उद्धार गरिने भएको हो ।सीमामा रोकिएका नेपाली ल्याउने विषयमा पटक पटक छलफल भएपनि एकसातादेखि मिति पक्कापक्की भएको थिएन् । बुधबार बैतडी, दार्चुला र पिथौरागढका जिल्ला अधिकारीबीच उच्चस्तरीय सहमतिपछि उद्धारको लागि तयारी भएको हो । उनीहरुलाई आज बिहान ७ बजेदेखि उद्धार शुरु हुने प्रमुख जिल्ला अधिकारी यदुनाथ पौडेलले जानकारी दिनुभयो ।गत चैत १३ गतेदेखि भारत पिथौरागढका धार्चुलाका पाँच क्वारेन्टाइनमा एक हजार बढि नेपाली एक महिनादेखि बसिरहेका छन् । उनीहरुलाई नेपाल ल्याउनकै लागि भन्दै बैतडी र बझाङका प्रतिनिधि तीन दिन देखि दार्चुलापुगेका छन् । दार्चुलामा क्वारेन्टाइनको तयारी अवस्थामा राखिएका छन् । उद्धारपछि उनीहरुलाई सम्बन्धित स्थानीय तहमा पठाउन यातायात व्यवसायीलाई तयारी अवस्थामा रहन खबर आएको यातायात व्यवसायी दार्चुलाका लवराज अवस्थीले बताउनुभयो । धार्चुलामा रहेका नेपाली उद्धारपछि सम्बन्धित ठाउँमा पुर्याउनको लागि तयारी अवस्थामा बस्नुहोला भन्ने जानकारी आएको छ, अवस्थीले भन्नुभयो ।धार्चुलामा रहेका नेपालीलाई दुई वटा नाकाबाट ल्याईदैछ । धार्चुलामा १० जिल्ला नागरिक बसेका छन् । बैतडी, बझांगका नागरिकलाई दत्तु नाका भएर प्रवेश गराइने छ भने दार्चुला लगायत अन्य जिल्लाकालाई खलंगा नाका भएर प्रवेश दिइने प्रजिज पौडेलले बताउनुभयो ।
उनीहरुलाई सीमा क्षेत्रमा चेकजाँच पछि प्रवेश दिइने, उनीहरुको नाम ठेगाना सम्पर्क नम्बर राख्ने र सम्बन्धित स्थानीय तहका क्वारेन्टाइनमा राख्ने गरी पठाउने रणनीति बनाइएको छ । बैतडी र बझांगलाई आजै पठाइने छ । सम्बन्धित स्थानीय तहका जनप्रतिनिधीको रहोबरमा उनीहरु जाने छन् ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता