रमेश खत्री चैत्र २९ दार्चुला । दार्चुलामा कोरोना भाइरस चेकजाँचका लागि स्वाब संकलन गर्ने सामग्रीहरु पु¥याउन केन्द्रबाट स्वास्थ्यकर्मीहरुको टोली सहित दुई ओटा हेलिकप्टर आउदै छ ।दार्चुला, बैतडी तथा बझाङ जिल्लाका स्थानीय तहका क्वारेन्टाइन र होम क्वारेन्टाइनमा बसेकाहरुको स्वाब संकलनका लागि आज जिल्लाका विभिन्न ६ स्थानमा हेलिकप्टर आउने भएको छ । सुदूरपश्चिम प्रदेशमा मात्रै एकै पटक तीन जनामा कोरोना भाइरसको संक्रमण देखिएपछि नेपाल सरकारले सुदूरपश्चिम प्रदेशलाई प्राथमिकता साथ रोकथाम तथा चेकजाँच कार्य गरिरहेको छ । सुदूरपश्चिम प्रदेशमा ¥यापिड टेस्ट मेसिन उपलब्ध गराएको नेपाल सरकारले अहिले दार्चुलामा क्वारेन्टाइनमा बसेकाहरुको स्वाब संकलन गर्न लागिएको हो । संघीय सरकारको कार्यक्रम अनुसार मार्माको लटिनाथ, नौगाड, गोकुलेश्वर, दुहूँ र खलंगामा स्वाब संकलन गरिने स्वास्थ्य कार्यालय दार्चुलाका जनस्वास्थ्य अधिकृत जयराज भट्टले जानकारी दिनुभयो । जिल्लाभरीमा ५ सय १० जनाको स्वाब संकलन गर्ने लक्ष्य लिइएको जनस्वास्थ्य अधिकृत भट्टले जानकारी दिनुभयो ।मार्मा गाउँपालिकाको लटिनाथमा मार्मा गाउँपालिका र अपिहिमाल गाउँपालिकाका गरि १ सय ४० जना, नौगाड गाउँपालिकामा ४५ जना, दुहूँ गाउँपालिकामा दुहूँ र व्याँस गाउँपालिका ८१ जनाको स्वाब संकलन गरिने छ । गोकुलेश्वरमा शैल्यशिखर नगरपालिका, मालिकार्जुन गाउँपालिका र लेकम गाउँपालिकाको गरि १ सय ५ जना र महाकाली नगरपालिकाको खलंगामा १ सय ४० जनाको स्वाब संकलन गर्ने लक्ष्य लिइएको जनस्वास्थ्य अधिकृत भट्टको भनाई छ ।जिल्लाभरी क्वारेन्टाइनमा बसेकाहरु र होम क्वारेन्टाइनमा बसेका सम्भावित जोखिम भएकाहरुको स्वाब परीक्षण गरिने छ । क्वारेन्टाइनमा बसेका सबैको स्वाब परीक्षण गरिनेछ भने होमक्वारेन्टाइनमा बसेकाहरुमध्ये कैलाली नाकाबाट भित्रिएकाहरु र दिल्ली मुम्बैबाट आएकाहरुलाई पनि प्राथमिकता दिइने छ ।
लटिनाथ, नौगाड र दुहूँ गाउँपालिकामा कैलाश एयरको हेलिकप्टर आउने छ भने गोकुलेश्वर तथा खलंगा क्षेत्रमा आर्मीको हेलिप्टरबाट स्वाब संकलनका लागि सामग्रीहरु पु¥याइने छ । हेलिकप्टरले सामग्री पु¥याउने र स्वाब संकलन गर्न सिकाउने छ । बाँकी स्वाब संकलनका लागि जिल्लाकै स्वास्थ्यकर्मीहरुको टोली परिचालन गरिने जनस्वास्थ्य अधिकृत भट्टले बताउनु भयो । जिल्लाभरी स्वाब संकलन पश्चात एकै पटक स्वाब लैजान मात्रै हेलिकप्टर आउने छ । नेपाली सेनाको हेलिकप्टर सुरुमा गोकुलेश्वर अवतरण हुने भने कैलाश एयरको हेलिकप्टर सुरुमा मार्मा गाउँपालिकाको लटीनाथमा अवतरण गरिने छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता