दृष्टिकोण समाचार, जेठ १० दार्चुला । नेपाल भारत दुई देशका सुरक्षा अधिकारी बीच चारवटा साँझा विषयहरुमा शुक्रबार छलफल गरिएको छ । शुक्रबार धारचुला स्थित गोठीमा भएको दुई देशका सुरक्षा अधिकारीहरुबीचको बैठकमा मुख्य चार वटा विषयमा छलफल गरिएको दार्चुलाका निमित्त प्रहरी प्रमुख हिक्मत बहादुर बोहराले जानकारी दिनुभयो । बैठकमा सूचना आदान प्रदान, सीमा सुरक्षा, मालपा, घाँटीबगर घोरेटोबाटो निर्माण र लाली डौडामा निर्माण सम्पन्न भएको पुल सञ्चालनका बारेमा छलफल गरिएको हो ।
दुईदेशका सीमामा तैनाथ सुरक्षाकर्मीहरुबीच एक आपसमा समन्वय गर्ने र सूचना आदानप्रदान गर्ने, सीमामा हुने अपराध न्युनिकरणका लागि चेकजाँचमा कडाई गर्ने र अबैध सामान आयात निर्यातमा कडाई गर्ने, भारतीय पक्षले निर्माण गरिरहेको धारचुला लिपुलेक राजमार्गका कारण नेपालको मालपा, घाँटीबगर क्षेत्रमा बाटो भत्केको तथा क्षती भएको ठाउँमा निर्माण कम्पनीका ठेकेदारले बाटो निर्माण गराउने तथा लेकम गाउँपालिकाको लालीमा निर्माण सम्पन्न भईसकेको पुललाई तत्काल सञ्चालनमा ल्याउने विषयमा छलफल भएको शसस्त्र प्रहरी ५० नम्बर गुल्म दार्चुलाका डिएसपी भिम बहादुर चन्दले जानकारी दिनुभयो ।
बैठकमा नेपालको तर्फबाट सहायक प्रमुख जिल्ला अधिकारी टेकसिह कुवर, शसस्त्र प्रहरी प्रमुख भिम बहादुर चन्द, नेपाल प्रहरी दार्चुलाका निमित्त प्रमुख हिक्मत बोहरा तथा राष्ट्रिय अनुसान्धान अधिकृत नित्यानन्द ढुङ्गानाको सहभागिता रहेको थियो । त्यस्तै भारतीय पक्षबाट शसस्त्र सीमा बल ११ बाहिनी डिडिहाटका डिसी असोक कुमार, धारचुला कोतवाली डिवाईएसपी विके आचार्य, एसएसबी धारचुलाका एसआई भिजेन्द्र शाहको सहभागिता रहेको थियो ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता