सुलोचना महता, बैशाख ५ दार्चुला । दार्चुला जिल्लाको हिमाली भेगमा बहुमुल्य जडिबुटी यार्सागुम्बा संकलन गर्नका लागि जाने संकलनकर्ताहरुलाई अपी नाम्पा संरक्षण क्षेत्र कार्यालय दार्चुलाले बैशाख पहिलो साता देखि परिचय पत्र वितरण गरीरहेको छ । दार्चुलाको व्यासँ, अपिहिमाल गाउँपालिका लगायत यार्सागुम्बा पाइने उच्च लेकाली क्षेत्रमा यार्सागुम्बा संकलनकर्ताहरुलाई परिचयपत्र वितरण गर्न लागेको हो ।
जिल्लाभरी विभिन्न ठाउँमा रहेका ९ वटा रेन्जपोष्ट, सेक्टर लगायतका पोष्टहरुमा बैशाख दोस्रो हप्ता यार्सागुम्बा संकलन परिचय पत्र वितरण गर्ने छ । र्यासागुम्बा संकलनकर्ताहरु संरक्षण क्षेत्र भित्रका स्थानीय भए परिचय पत्रका लागि ५ सय रुपैँया, जिल्ला भित्रका स्थानीयका लागि २ हजार रुपैँया र अन्य जिल्लाका स्थानीयका लागि ३ हजार दस्तुर लगाउनुका साथै अपी नाम्पा संरक्षण क्षेत्र व्यवस्थापन परिषद् तथा उपभोक्ता समितिको सिफारिसका लागि १ सय दस्तुर अपी नाम्पा संरक्षण क्षेत्र कार्यालय दार्चुलाले लगाएको छ ।
हिमाली भेगका स्थानीयहरुकाे मुख्य आयआर्जनको श्रोतको रुपमा रहेको बहुमल्य जडीबुटी यार्सागुम्बा संकलन गर्ने कार्यलाई व्यवस्थित गर्ने उद्देश्यले परिचय पत्र वितरण गर्न लागेको अपी नाम्पा संरक्षण कार्यालय दार्चुलाका प्रमुख किरोश मेहेताले बताउनु भयो । यार्सागुम्बा संकलन परिचय पत्र लिन छुटेका संकलनकर्ताहरुलाई यही बैशाख २५ गते क्याम्प खडा गरी उपलब्ध गराउने उनले बताए । यार्सागुम्बा संकलन कार्य शुरु जेठको दोस्रो हप्ता देखि शुरु भएर असार मसान्तसम्म हुने छ । यार्सागुम्बा संकलनकर्ताहरुले परिचय पत्र लिनुपर्ने, हातहतियार लिन नपाइने तथा विना इजाजत जडिबुटी संकलन गर्न नपाइने तथा विना अनुमति यार्सागुम्बा संकलन गरेको पाइएमा यार्सागुम्बा जफत तथा आवश्यक कारबाही गरीने अपी नाम्पा संरक्षण कार्यालय दार्चुलाले जनाएको छ ।
मंगलबार सुनको भाउ १ सय घटेको छ । अघिल्लो दिन प्रतितोला १ लाख ४६ हजार १ सय रुपैयाँमा कारोबार भएको सुन आज १ लाख ४६ हजार रुपैयाँमा झरेको नेपाल सुनचाँदी व्यवसायी महासंघले जना...
बंगलादेश पावर डेभलपमेन्ट बोर्ड बीपीडीबीले नेपालमा उत्पादित ४० मेगावाट विद्युत् खरिद–बिक्रीका लागि सम्झौता गर्न नेपाल विद्युत प्राधिकरणलाई पत्राचार गरेको छ । बीपीडीबीले वर...
सुनको भाउ आज एकैदिन तोलामा दुई हजार सात सय रुपैयाँले घटेको छ । गएको शुक्रवार तोलाको एक लाख ४४ हजार सात सय रुपैयाँमा कारोबार भएको सुन आज दुई हजार सात सय रुपैयाँले घटेको ने...
सुदूरपश्चिम प्रदेश सरकारले चालु आर्थिक वर्षका ११ महिनामा पुँजीगत बजेटको करिब ४१ प्रतिशत मात्रै खर्च गर्न सकेको छ । १७ अर्ब २ करोड ४३ लाख ६० हजार विकास बजेट रहेकामा जेठ मस...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
सुदूरपश्चिम प्रदेश सरकारले अगामी आर्थिक वर्ष २०८१,८२ का लागि साढे ३१ अर्बको बजेट ल्याएको छ । शनिबार प्रदेशका आर्थिक मामिला मन्त्री सुरेन्द्रबहादुर पालले प्रदेश सभाको बैठक...
दृष्टिकोण दैनिक सम्बाददाता