दृष्टिकोण समाचार, चैत्र १९ दार्चुला । प्रधानमन्त्री कृषि आधुनिकीकरण कार्यक्रम अन्तरगत दार्चुलालाई स्याउ जोन क्षेत्रको रुपमा विकसित गर्न लागिएको छ । चालु आर्थिक बर्षको असोज महिनाबाट दार्चुलामा स्याउ जोन कार्यालय स्थापना भई दार्चुला जिल्लाका पाँच वटा गाउँपालिका व्याँस, दुहुँ, नौगाड, मार्मा र अपिहिमालको एक सय ६ हेक्टर क्षेत्रफलमा हाल स्याउ खेती गरिएको छ ।
स्याउ जोन कार्यक्रम दार्चुलाका अनुसार दार्चुला जिल्लाका पाँचवटा गाउँपालिकाका विभिन्न क्षेत्रमा हाल जुम्ला जिल्लाबाट गोल्डेन र वेल जातको १४ हजार स्याउका बोट ल्याएर कृषकहरुलाई वितरण गरिएको स्याउ जोन कार्यक्रम दार्चुलाका प्रमुख विष्णु ओझाले जानकारी दिनुभयो । यसैगरी गाला र खुजी जातको ६ सय बोट उन्नत जातको स्याउका बोट हालसालै मात्र दार्चुला ल्याइदै छ ।
यसबाहेक स्याउ जोन कार्यक्रम अन्तरगत दार्चुला जिल्लाको पाँच सय हेक्टरमा स्याउ खेती विस्तार गरिने कार्यालयले जनाएको छ । कार्यक्रमले स्याउ खेती गर्ने कृषकहरुलाई ५० र ७५ प्रतिशत अनुदानमा स्याउका बोट वितरण गरेको छ ।
चालु आवमा ६६ प्रतिशत प्रगती
स्याउ जोन कार्यक्रम लागु भएपछि दार्चुला जिल्लामा चालु आर्थिक बर्षमा कार्यक्रमले दोश्रो चौमासिकमा चालु र पूजिगत बजेट तर्फ ६६ दशमलब ८० प्रतिशत प्रगति गरेको छ । त्यसैगरी ३ हजार ५ सय रुपैँया राजश्व संकलन गरेको छ ।
मूख्य उपलब्धीहरु
स्याउ जोन कार्यक्रम अन्तरगत कृषकहरुलाई भकारो सुधार कार्यक्रममा ५० वटा कार्यक्रम रहेकोमा सबैमा सम्झौता भई कार्यान्वयनमा आएका छन् । त्यस्तै १४ हजार ६ सय स्याउका बोटहरु विभिन्न कृषकहरुलाई अनुदानमा वितरण गरिएका छन् । त्यसैगरी साना सिचाई कार्यक्रम पनि लागु भएको जनाएको छ ।
चुनौतीहरु
दार्चुला जिल्लालाई स्याउ जोनका रुपमा विकास गर्ने कार्यक्रम भएपनि कार्यक्रमका विभिन्न चुनौतीहरु रहेको कार्यलयले जनाएको छ । मूख्य रुपमा जनशक्ति अभाव रहेको छ । कार्यक्रमका लागि दश जनाको दरबन्दी भएपनि हाल २ जना मात्रै दरबन्दीमा रहेका छन् । त्यसैगरी भौगालिक विकटता हुँदा कृषकहरुसम्म कार्यक्रमको लक्ष्य र उद्देश्य अनुरुप काम गर्न नसकिएको, जलवायु परिवर्तनको असर, उन्नत जातको स्याउको बोटविरुवा सहज रुपमा उपलब्ध नहुनु, कृषकहरुलाई स्याउ खेती सम्बन्धी ज्ञानसीपको अभाव लगायतको चुनौतीहरु रहेको स्याउ जोन कार्यालय दार्चुलाले जनाएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता