ललित सामन्त,फागुन १८ दार्चुला । शुक्रबार राति दार्चुलाको निर्माणाधिन खलंगा–तिंकर सडक खण्ड अन्र्तगत श्रीभावर–तिमुरपाटामा दुखद् जीप दुर्घटना भयो। दुर्घटनामा परि ११ जना यात्रुले ज्यान गुमाए। ती ज्यान गुमाउने मध्ये एक थिइन् भरखरै बैवाहिक बन्धनमा बाधिएर पहिलो पटक माइति फर्किदै गरेकी २० वर्षीया स्नेहा बम।
केही दिन पहिले कन्यादान गरेर पराइघर पठाएकी छोरी पहिलो पटक माइती भेट्न आउदैछिन भन्ने खवर सुनेर माइतीमा खुशी छाएको थियो। स्नेहाका बुवा इन्द्र बहादुर बम र घरका अन्य सदस्य छोरी आउने बाटो कुरी बसेका थिए। उनी आउन लागेको खुसी माइतीमा धेरै समय टिक्न सकेन। माइतीको आगनमा टेक्न नपाउँदै स्नेहाले त्यागिन मानव चोला।
बुवा इन्द्र बहादुर छोरी ल्याउन आधाबाटो पुगेका थिए। तर, दैबले उनको छोरीलाई सदाका लागि बीचबाटोबाटै चुडेर लगेको छ। ‘म आउँदैछु बुवा आधिबाटोसम्म लिन आइरहनुहोला’ छोरीले फोनमा भनेका यी शब्द उनको बुवाका लागि अन्तिम शब्द बन्न पुगे। ती शब्द अहिलेपनि इन्द्र बहादुरको कानमा गुन्जि रहेका छन्। आधाबाटोसम्म छोरी लिन पुगेका इन्द्रले जीप दुर्घटनामा परि छोरी गुमाएको खबर सुने।
यहि फागुन ५ गते बैतडीको दोगडाकेदार गाउँपालिका–६ का दिपेन्द्र चन्दसँग स्नेहाको धुमधामका साथ बिहे भएको थियो। बिहे पछि पहिलो पटक ससुरासँग माइती घर फर्किदै गरेकी स्नेहाले मात्रै ज्यान गुमाइनन् सँगै आएका ससुरा धनबहादुर चन्दको पनि एकै ठाउँमा उड्यो प्राण पखेरो।
‘घरको जेठो छोरी बिहे गरेपछि पहिलो पटक ससुरासँगै माइती घर फर्किदै गरेको खबरले हामी खुसी थियौ’, स्नेहा र धनबहादुर जस्तै उक्त जीप दुर्घटनामा परी ज्यान गुमाउने अधिकांश एकैघरका सदस्य छन्। ज्यान गुमाउने कल्यानसिंह बडाल र निर्मला बडाल बाबू छोरी हुन्। यस्तै अम्मरा बम र आयुशा बम आमा छोरी रहेको बुझिएको छ। अन्य मृतक पनि एकै घरको सदस्य हुन सक्ने अनुमान गरिएको छ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता