दृष्टिकोण समाचार, १८ फागुन दार्चुला । शुक्रबार राती दार्चुला तिङ्कर सडक खण्डको राताकाठामा भएको जीप दुर्घटनामा परी ज्यान गुमाउने सबै ११ जनाको सनाखत भएको छ । हिजो राती घटनास्थलबाट मृतकको लास संकलन गरी जिल्ला अस्पताल दार्चुलामा ल्याईएको जिल्ला प्रहरी कार्यालय दार्चुलाले जनाएको छ । जीप दुर्घटनामा परी मृत्यु हुनेहरुमा दुहुँ गाउँपालिका वडा नम्बर २ बस्ने ४५ बर्षका कल्यानसिह बडाल, वहाँकै छोरी बर्ष १५ कि निर्मला बडाल, दुँहुँ गाउँपालिका वडा नम्बर २ बस्ने ३५ बर्षीया परुली धामी रहेका छन् । त्यसैगरी दुहुँ गाउँपालिका १ बस्ने ५४ बर्षका धन बहादुर बम, दुहुँ गाउँपालिका वडा नम्बर ४ दौला बस्ने बर्ष ५५ कि अम्मरा बम, सोही ठाउँकी बर्ष ४ कि आयुसा बम, दुहुँ गाउँपालिका वडा नम्बर १ पीपलचौरी बस्ने ४५ बर्षिया गोमती बम र सोही ठाउँकी बर्ष ७१ की धाना बम रहेका छन् ।
त्यस्तै बैतडी जिल्ला दोगडाकेदार गाउँपालिका ६ सित्तड बस्ने ६० बर्षका प्रताप चन्द भनिने धनबहादुर चन्द, सोही ठाउँ बस्ने बर्ष २०÷२१ कि स्नेहा चन्द र दुहुँ गाउँपालिका वडा नम्बर १ बस्ने ५३ बर्षीया मानमती भट्ट रहेको जिल्ला प्रहरी कार्यालय दार्चुलाले जनाएको छ । सोही दुर्घटनामा जिप चालक दिपकसिह धामी गम्भीर घाइते भएका छन् । घाइतेको थप उपचारका लागि शुक्रबार राती नै भारतको पीथौरागढ लगिएको छ ।
दुर्घटनामा परी मृत्यु भएका सबैको शनिबार जिल्ला अस्पताल दार्चुलामा पोष्टमार्टम गरी शव आफन्तको जिम्मा लगाइने जिल्ला प्रहरी कार्यालय दार्चुलाका निमित्त प्रहरी प्रमुख रविन्द्र कठायतले जानकारी दिनुभयो ।
जिप दुर्घटनाको कारण खुल्न सकेको छैन् । दुर्घटना स्थल राताकाठा क्षेत्रमा सडक चौडा गर्ने कार्य भईरहेको छ । तर सो क्षेत्रमा कुनै पनि सवारी साधनहरु सञ्चालनमा रोक लगाइएको थियो ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता