१५ वैशाख, काठमाडौं । नेपाली कांग्रेसले आगामी जेठमा जिल्ला सभापतिहरुको भेला र साउनमा महासमिति बैठक आयोजना गर्ने तयारी गरेको छ ।
चुनावी समीक्षा र आगामी रणनीति बनाउन जारी बैठकमा अधिकांश केन्द्रीय सदस्यहरुले अविलम्ब महासमिति बैठक बोलाउन नेतृत्वलाई दबाव दिँदै आएका छन् ।
गत चैत ९ गतेदेखि जारी केन्द्रीय समिति बैठकमा शनिबार महामन्त्री शशांक कोइरालाले लिखित राजनीतिक प्रतिवेदन पेश गर्दैछन् । सो प्रतिवेदनमा आगामी जेठमा जिल्ला सभापतिहरुको भेला र साउनमा महासमिति बैठक बोलाउने उल्लेख छ ।
सभापति शेरबहादुर देउवाले महासमिति बैठक असोज वा कात्तिकतिर गर्ने तयारीमा थिए । तर, रामचन्द्र पौडेल समूहले त्यसको विरोध गर्दै जतिसक्यो छिटो महासमिति बैठक बोलाउन माग गरेको थियो । जारी केन्द्रीय समिति बैठकमा पनि छिटो महासमिति बैठक बोलाउनुपर्ने धेरैको राय थियो ।
त्यसैले महामन्त्री कोइरालाले साउनमा महासमिति बैठक बस्ने प्रस्ताव तयार पारेका हुन् । शीर्ष नेताहरु बसेर तयार पारिएको प्रारम्भिक खाकालाई महामन्त्री कोइरालाले अन्तिम रुप दिएका थिए । महामन्त्री कोइरालाको प्रतिवेदनलाई केन्द्रीय समिति बैठकमा छलफल र सुझावसहित पारित गर्ने तयारी छ ।
महामन्त्री कोइरालाको प्रतिवेदनमा केन्द्रीय समितिमा हालसम्म उठेका विषय, चुनावको समीक्षा र आगामी कार्यक्रम समेटिएको छ । तर निर्वाचनमा हारको स्पष्ट कारण भने नखुलाइएको स्रोतले बतायो ।
त्यसपछि शेरबहादुर देउवाले हालसम्म उठेका प्रश्नको जवाफ दिएपछि बैठक समापन गर्ने तयारी छ । तर आजैको बैठकमा पदाधिकारीको प्रस्ताव भने नआउने स्रोतले बतायो । त्यसका लागि केही दिनपछि अर्को बैठक बोलाउने देउवाको तयारी छ ।
विधानअनुसार महाधिवेशन भएको दुई महिनाभित्र रिक्त पदाधिकारी मनोनित गरिसक्नु पर्ने भए पनि हालसम्म चयन हुन सकेका छैनन् ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता